Veil of Shadows Episode 22 Tagalog

 Pagsikat ng araw, nakalabas sina Wu Wangyan at Wu Shiguang mula sa painting, pero si Mu Long ay naka-cursed pa rin. Biglang may umatake na naka-mask at tinangkang kunin ang goat horn pendant kay Han Ba. Matapos ang saglit na laban, nahuli nila ito—at nagulat sila nang malaman na si Ji Ling pala iyon. Pagkatapos, dumating si Lu Wuyi na sugatan at nagsinungaling, sinabing si Ji Ling ang may gawa ng sumpa kay Mu Long at nakikipagsabwatan kay Jiu Ying. Nakakagulat, hindi nagdepensa si Ji Ling at hinayaan na lang siyang mapagbintangan.

Dahil dito, naniwala ang lahat na traydor si Ji Ling at ginagawa niya iyon para makuha ang kapangyarihan ng Dragon Deity. Habang tumitindi ang tensyon, nalaman nilang walang laman ang pendant—niloko pala sila ni Wuyi. Samantala, nalaman din ni Han Ba na bago mamatay si Su Jian, naalala nito ang lahat at hanggang huli ay mahal pa rin siya. Dahil sa sobrang lungkot at pagsisisi, nawalan ng kontrol si Han Ba sa kapangyarihan niya at bago tuluyang mawala, ibinunyag niya kung saan nakatago ang Dragon Deity’s power—sa lugar kung saan sila unang nagkita ni Su Jian, at si Mu Long lang ang makakapag-unlock nito.

Habang nagkakagulo, nananatiling naniniwala si Wangyan kay Wuyi, iniisip na hindi ito masama kundi nadadala lang ng emosyon. Samantala, kinompronta ni Ji Ling si Wuyi, at inamin nitong paulit-ulit niyang nararanasan ang time loop kung saan lagi niyang nakikita ang pagkamatay ni Wangyan. Dahil dito, pinili niyang ipagtanggol ang “kapatid” niya kahit kapalit pa ang lahat—kahit hindi niya alisin ang sumpa kay Mu Long.

Nagplano si Ji Ling na pilitin si Wuyi, pero lalo lang nagulo ang sitwasyon. Nag-hostage si Li Jie, nagkaroon ng kaguluhan, at nagawa ni Wuyi na makuha ang Spirit-Binding Ring. Mas nakakagulat pa, kinilala siya ng ring bilang bagong master nito.

Tumakas si Wuyi kasama si Mu Long papunta sa lumang weaving workshop. Doon, ginising niya si Mu Long at nakuha ang Dragon Deity’s power. Dahil sa sobrang lakas, napaluhod niya ang lahat habang lalo pang lumalala ang tagtuyot sa Luo’an.

Samantala, tuluyang nawasak si Ji Ling sa bigat ng konsensya at mga paratang laban sa kanya. Halos malunod siya sa sarili niyang isip, pero sa huling sandali, dumating si Bai Ze at iniligtas siya mula sa tuluyang pagkawasak.

Veil of Shadows Episode 21 Tagalog

 Sa loob ng enchanted painting, nakilala nina Wu Wangyan at Wu Shiguang si Su Jian—isang masayahin at outspoken na babae na kamukhang-kamukha ni Mu Long. Kahit nakatakda siyang pakasalan ang childhood friend niyang si Cui Jun, wala siyang balak gawin iyon dahil para sa kanya, parang kapatid lang ito. Ang gusto niya ay isang “perfect love”—yung dramatic at parang kwento sa fairy tale. Natupad ito nang makilala niya si Han Ba, na araw-araw niyang hinahabol, kahit hindi ito nagsasalita. Hindi niya alam na demon si Han Ba at delikado kapag nagsalita ito.

Habang pinapanood nila ang mga alaala, narealize ni Wangyan na ito pala ang sarili niyang nakaraan. Ginamit niya si Su Jian para sa misyon—pinatulog niya ito sa parang patay na estado at niloko si Han Ba na kailangan nitong magsalita para magising si Su Jian. Dahil mahal niya si Su Jian, napilitan si Han Ba na magsalita at magtapat ng damdamin—pero nagdulot ito ng matinding tagtuyot. Nang magising si Su Jian, patay na ang kanyang ina dahil sa kaguluhan.

Sa huli, tinanggap ni Han Ba ang parusa pero nakiusap na burahin ang alaala ni Su Jian para hindi ito masaktan. Sinelyuhan ni Wangyan ang kanilang kwento sa isang pendant. Kahit nawalan ng alaala, may lungkot pa ring nararamdaman si Su Jian. Kalaunan, iniligtas siya ni Han Ba gamit ang demonic power. Nagpakasal siya kay Cui Jun, pero nagkita pa rin sila ni Han Ba paglipas ng maraming taon.

Dito narealize ni Shiguang na ang masasayang alaala ni Wangyan kasama si Lu Wuyi ay hindi pala totoo—ninakaw lang ito mula sa memories niya kay Su Jian. Ibig sabihin, may nag-manipulate ng memories nila, at si Lu Wuyi ang posibleng may gawa.

Sa labas ng painting, kinompronta ni Ji Ling si Lu Wuyi, at doon niya inamin ang katotohanan—hindi siya totoong fox demon. Isa siyang nilikhang “monster” ni Jiu Ying gamit ang mga bahagi ng ibang fox demons at pati puso ni Wu Wangyan. Kaya pala may malalim na koneksyon si Wangyan sa kanya.

Inamin din ni Lu Wuyi na kaya niyang i-rewind ang oras, pero kapalit nito ay unti-unting pagkasira ng katawan niya. Paulit-ulit niyang binabalikan ang parehong pangyayari para hindi malaman ni Wangyan ang totoo. Ginagawa niya ito dahil takot siyang mawala ang “kapatid” niya.

Sa huli, humingi siya ng tulong kay Ji Ling. Naantig si Ji Ling sa sitwasyon niya at nangakong tutulungan siya para ayusin ang lahat at harapin ang hinaharap nang magkasama.

Veil of Shadows Episode 20 Tagalog

 Naghiwa-hiwalay sina Wu Shiguang, Wu Wangyan, at ang grupo para hanapin ang huling piraso ng kapangyarihan ng Dragon Deity sa Luo’an. Pero sobrang lala ng sitwasyon sa lungsod—tuyot na tuyot at punong-puno ng demonic aura dahil kay Han Ba, kaya parang patay ang buong lugar. Mas lalo pang naging mahirap hanapin si Han Ba dahil ikinalat niya ang kapangyarihan niya sa buong siyudad.

Habang naghahanap sila, napag-usapan din ang mga sikreto—lalo na yung tungkol kay Ji Ling na siya pala ang tunay na Dragon Deity. May konting biruan din, habang yung ibang grupo naman may kanya-kanyang eksena—si You Chi reklamo nang reklamo, at sina Ji Ling at Lu Wuyi naman may mga cute at medyo awkward na moments.

Sa huli, nahanap nila si Han Ba na nagpapanggap na innkeeper sa Chatter Inn. Inamin niya na ginagamit niya ang kapangyarihan ng Dragon Deity para pigilan ang sobrang init sa loob niya, at kung ibibigay niya agad ito, posibleng magdulot ng malaking sakuna. Pero pumayag siyang makipagtulungan matapos ang isang araw, lalo na para tulungan si Mu Long, isang babaeng may koneksyon sa kanila at nangongolekta ng mga kwento.

Pagdating ng gabi, nag-stay sila sa inn at may mga light at funny na moments. Pero biglang naging seryoso ang lahat nang may umatake kay Mu Long—isang misteryosong tao na gumamit ng magic para mawala ang boses niya, tapos nakatakas pa. Dahil dito, nagsimulang magduda ang grupo sa isa’t isa.

Mas naging komplikado pa nang magkaroon si Wu Wangyan ng nakakagulat na bangungot na parang may koneksyon sa past nila. Kalaunan, may nakita silang painting na parang may kinalaman sa nawawala niyang alaala—at may taong kamukha niya doon.

Nang gamitin ni Wu Shiguang ang Dragon Deity’s power sa painting, bigla silang nahigop papasok nito ni Wangyan. Doon nagsimula ang mas malalim na misteryo tungkol sa nakaraan nila at sa tunay na nangyari.

Perfect Crown Episode 4 Tagalog

 Nagsimula ang Episode 4 sa paghalik ni Yi-an kay Hui-ju—pero plot twist, para lang pala ito sa paparazzi. Nagulat si Hui-ju sa una, pero mabilis siyang sumabay nang malaman niyang may nanonood sa kanila. Kinabukasan, pinag-uusapan ito ng buong palasyo.

Sa palace meeting, gusto ni Yi-an na i-public ang relasyon nila kahit maraming tutol dahil commoner at “illegitimate” si Hui-ju. Hindi siya nagpatalo, at sinuportahan pa siya ni Jeong-woo. Si Hui-ju naman, nakikita ang mga negative comments sa TV pero chill lang siya.

Nag-suggest si Hui-ju na maging bold at “shameless” sila para makuha ang approval ng publiko, kaya nag-date sila sa isang baseball game. Doon, nagkaroon ng selosan (lalo na kay Yi-an kay Jeong-woo), at maraming awkward at funny moments—lalo na sa kiss cam na muntik na naman silang mapahalik.

Mas nakilala rin natin si Yi-an—sobrang higpit ng buhay niya bilang royal, hanggang sa pagkain at simpleng bagay, bawal. Doon mas na-realize ni Hui-ju kung gaano siya ka-restricted buong buhay niya.

Sa bahay naman, nagsimula ang training ni Hui-ju bilang future royal kasama si Court Lady Jin-sook. Pero instead na siya ang mahirapan, parang siya pa ang nag-take over, at nauwi pa sa bonding nila—sobrang funny ng eksena. Nagulat si Yi-an pagdating niya.

Habang nangyayari lahat ito, may mga plano pa rin si Yi-rang, at mukhang conflicted si Jeong-woo pero patuloy pa rin niyang sinusuportahan si Yi-an.

Biglang naging intense ang lahat nang isakay ni Hui-ju ang batang hari sa sports car niya. Biglang pumalya ang preno at nawalan siya ng kontrol. Just in time, dumating si Yi-an at sinalo ang bangga gamit ang sarili niyang sasakyan para iligtas sila. Nasugatan siya, pero pinakita niya kung gaano kalalim ang concern niya kay Hui-ju.

Sa dulo, may flashback sa kiss cam moment—inaasar ni Yi-an si Hui-ju na halikan siya, at kitang-kita na may totoong feelings na sa likod ng “fake” nilang relasyon.

Perfect Crown Episode 3 Tagalog

 Nagkita sina Prince Yi-an at Hui-ju bago nila i-public ang relasyon nila, at hinamon siya ni Yi-an na patunayan sa buong bansa na karapat-dapat siya. Agad namang gumalaw ang PR team ni Hui-ju at ginawa itong parang fairytale—isang simpleng babae na nakuha ang puso ng prinsipe. Samantala, pinatawag si Yi-an ng Queen Mother at kinuwestyon siya, pero pinanindigan niyang seryoso siya kay Hui-ju.

Sa palasyo, nahuli ni Yi-an si Hui-ju na tinutulungan ang batang hari, at nag-alala siya na baka masisi ito kapag may nangyaring masama. Pero nang tanungin siya ni Hui-ju kung kakampi ba siya laban sa Queen Mother, medyo nahiya pero sinabi niyang oo—kahit aminado siyang kailangan nilang magpanggap na in love para paniwalaan ng lahat.

Nauwi sila sa iisang kwarto (at kama), kaya nagkaroon ng mga nakakatawang misunderstanding ang staff, habang unti-unting nagmumukhang totoo ang “fake” nilang relasyon. Si Hui-ju naman, game lang—hinayaan pa niyang malaman ng mga tao na sa palasyo siya natulog, at chill lang siya sa mga comments online, positive man o negative.

Lumalim ang story nang harapin ni Hui-ju ang personal na problema—inatake siya ng mga estudyante at kinompronta ng tatay niya, na inaakusahan siyang ginagamit ang royal family. Napansin ni Yi-an na malungkot siya, kaya pinuntahan niya ito, dinalhan ng pagkain, at pinasaya, tapos dinala pa siya sa private residence niya kung saan mas naging close sila.

Biglang nagkaroon ng issue nang maakusahan si Hui-ju na involved sa sunog sa palasyo. Dinala siya para imbestigahan, pero todo depensa si Yi-an—even willing siyang madamay para ipagtanggol siya. Nagpanggap pang himatayin si Hui-ju para makaiwas, at dahil dito, lalo pang kumalat ang tsismis tungkol sa sobrang pagmamahal ni Yi-an sa kanya.

Pagkatapos ng lahat, mas naging malalim ang connection nila. Nagbibiruan pa sila tungkol sa “fake love,” pero halatang nagiging totoo na. Sa isang sweet na eksena, pinuntahan ni Hui-ju si Yi-an sa gabi, inalagaan siya, at bigla siyang hinalikan ni Yi-an—na ikinagulat niya.

Sa huli, ibinigay ni Yi-an ang hopae niya kay Hui-ju, parang simbolo na anytime kailangan niya siya, nandiyan siya—parang personal niyang tagapagtanggol.

Juror No 2

Sa Savannah, Georgia, si Justin Kemp ay isang journalist at recovering alcoholic na natawag para maging juror. Sinubukan niyang umiwas kasi malapit nang manganak ang asawa niyang si Ally, at delikado ang pagbubuntis nito matapos ang nakaraang miscarriage. Pero napasama pa rin siya sa jury ng isang murder case.

Ang kaso ay tungkol kay Kendall Carter na nakipag-away sa boyfriend niyang si James Sythe sa isang bar isang taon na ang nakalipas. Umalis si Kendall, at kalaunan natagpuan ang bangkay niya sa ilalim ng tulay. Si Sythe ang kinasuhan sa pagpatay.

Ang prosecutor na si Faith Killebrew ay gustong-gustong manalo sa kaso dahil makakatulong ito sa kandidatura niya bilang district attorney. May mga witness na nagsasabing lasing at magulo si Sythe nung gabing iyon, at sinundan niya si Kendall. Ayon sa coroner, ang mga sugat ni Kendall ay parang galing sa pambubugbog, at may mga taong nagsabi na may history siya ng karahasan. May isang witness pa na nagsabing nakita si Sythe malapit sa pinagtapunan ng bangkay.

Pero habang tumatagal, nare-realize ni Justin na baka siya ang totoong nakapatay kay Kendall. Nandoon din siya sa bar nung gabing iyon. Pauwi na siya nang may nabangga siya gamit ang kotse. Bumaba siya para tingnan, pero inakala niyang usa lang iyon kaya umalis na siya.

Nabahala siya na baka may inosenteng makulong, kaya humingi siya ng payo sa AA sponsor niyang si Larry na isa ring abogado. Sinabi ni Larry na kung aamin siya, malamang hindi siya paniwalaan na sober siya dahil sa past DUI cases niya, at siguradong makukulong siya. Kaya nagdesisyon si Justin na itulak na ma-acquit si Sythe.

Sa simula, karamihan sa jurors ay naniniwalang guilty si Sythe. Pero unti-unting kinumbinsi ni Justin ang iba na suriing mabuti ang ebidensya. Si Harold, isang retired detective, ay nagsabing posibleng biased ang eyewitness. May nagsabi ring mahina ang visibility nung gabing iyon, at may medical student na nagsabing puwedeng hit-and-run ang dahilan ng mga sugat ni Kendall.

Habang mas maraming jurors ang nagdududa, kinakabahan si Justin na baka mabunyag ang totoo. Si Harold naman ay lumabag sa rules at nag-imbestiga ng mga car repair records, kung saan kasama ang kotse ni Justin. Kaya isinumbong ni Justin si Harold, at tinanggal ito sa jury.

Samantala, nagsisimula na ring magduda ang prosecutor sa kaso, lalo na nang malaman niyang maaaring na-influence ng pulis ang eyewitness. Sinuri niya ang repair records at nakita ang kotse ni Justin—pero nakapangalan ito kay Ally. Pinagtakpan siya ni Ally, pero kalaunan kinonfront niya si Justin, at inamin nitong nasa bar siya nung gabing iyon pero hindi siya uminom.

Ngayong alam na ni Ally ang posibleng nangyari, nagkasundo sila na protektahan ang pamilya nila. Sinubukan ni Justin na mauwi sa hung jury ang kaso, pero binalaan siya ni Larry na puwedeng maulit lang ang trial.

Sa huli, may isang juror na ayaw baguhin ang guilty vote. Kaya binaliktad ni Justin ang sitwasyon—kinumbinsi niya ang iba na bumoto na rin ng guilty para maging unanimous. Nahatulan si Sythe ng life imprisonment.

Pagkatapos, nalaman ng prosecutor ang koneksyon ni Justin at kinompronta siya. Sinabi niyang may inosenteng nakulong habang ang totoong may sala ay malaya. Pero iginiit ni Justin na may violent history si Sythe, habang siya ay mawawalan ng pamilya at buhay dahil sa isang hindi sinasadyang pangyayari. Sinabi rin niyang makakasira sa career ng prosecutor kung aaminin nitong mali ang kaso.

Nagpatuloy ang buhay—nanganak si Ally, ibinenta ni Justin ang kotse, at pakiramdam niya ay makaka-move on na siya.

…hanggang sa dumating sa pintuan nila ang prosecutor.

 

Pride at Bias Chapter 13

 “Sana, mahal ko,” sabi ni Mr. Bennet sa asawa niya habang nag-aalmusal kinabukasan, “nakapagpa-prepare ka ng masarap na ulam ngayon, kasi may inaasahan akong bisita.”

“Sino ‘yon?” sabi ni Mrs. Bennet. “Wala naman akong alam na darating—maliban na lang kung dumaan si Charlotte Lucas. At sigurado naman akong sapat na ang pagkain ko para sa kanya! Hindi ko nga alam kung nakakain siya ng ganito sa kanila.”

“Ang tinutukoy ko ay isang gentleman—at hindi natin kilala.”

Nagliwanag ang mukha ni Mrs. Bennet. “Isang gentleman at hindi kilala? Sigurado akong si Mr. Bingley ‘yan! Aba, Jane—hindi ka man lang nagsabi! Ang tuso mo! Nakakatuwa naman! Pero—naku! Ang malas naman—wala tayong isda ngayon! Lydia, paki-ring ang bell! Kailangan kong kausapin si Hill agad!”

“Hindi si Mr. Bingley,” sabi ng asawa niya. “Isang taong hindi ko pa nakikita kahit kailan.”

Nagulat ang lahat at sabay-sabay silang nagtanong.

Pagkatapos mag-enjoy sandali sa kanilang curiosity, ipinaliwanag ni Mr. Bennet, “Mga isang buwan na ang nakalipas, nakatanggap ako ng liham mula sa kanya, at sumagot ako mga dalawang linggo na ang nakaraan. Medyo sensitibo ang usapan kaya kailangan kong pagtuunan ng pansin. Galing ito sa pinsan kong si Mr. Collins—na, kapag namatay ako, pwedeng paalisin kayong lahat sa bahay na ito kahit kailan niya gusto.”

“Ay naku!” sigaw ni Mrs. Bennet. “Ayoko nang marinig ‘yan! Huwag mo nang banggitin ang lalaking ‘yan. Napaka-unfair na mapunta ang ari-arian sa iba at hindi sa sariling mga anak! Kung ako lang sa’yo, matagal ko nang ginawa ang paraan para ayusin ‘yan!”

Sinubukan nina Jane at Elizabeth na ipaliwanag kung paano gumagana ang mana, gaya ng ginagawa nila dati, pero hindi pa rin nakikinig si Mrs. Bennet. Patuloy siyang nagrereklamo tungkol sa pagiging unfair nito sa kanilang limang anak na babae.

“Totoo namang hindi makatarungan,” sabi ni Mr. Bennet. “Pero kung pakikinggan mo ang liham niya, baka medyo gumaan ang loob mo.”

“Hindi ako maniniwala!” sagot ni Mrs. Bennet. “Napaka-impertinent niya na sumulat pa! At napaka-plastic! Bakit hindi na lang niya ipinagpatuloy ang away, tulad ng ginawa ng tatay niya?”

“Parang nagkaroon naman siya ng kaunting pagdadalawang-isip tungkol doon,” sabi ni Mr. Bennet. “Maririnig mo sa sulat.”

Binasa niya ang liham. Doon, sinabi ni Mr. Collins na nalulungkot siya sa alitan ng kanilang pamilya noon at gusto niyang ayusin ito. Ikinuwento rin niyang naging pari na siya at nabigyan ng posisyon dahil sa tulong ni Lady Catherine de Bourgh. Dahil sa tungkulin niya, pakiramdam niya responsibilidad niyang magdala ng kapayapaan sa mga pamilya. Humingi rin siya ng paumanhin dahil siya ang magmamana ng ari-arian, at sinabing handa siyang bumawi sa mga dalaga—bagamat hindi pa malinaw kung paano. Nagpaalam din siyang bibisita sa Lunes ng alas-kwatro at mananatili ng halos isang linggo.

“Kaya sa alas-kwatro, darating ang ‘peace-maker’ na ito,” sabi ni Mr. Bennet habang tinutupi ang liham. “Mukha siyang magalang at seryoso—at sigurado akong magiging interesting siyang makilala.”

“May punto naman siya tungkol sa mga anak,” sabi ni Mrs. Bennet. “At kung gusto niyang bumawi, hindi ko siya pipigilan.”

“Mahirap hulaan kung paano niya gagawin iyon,” sabi ni Jane, “pero maganda ang intensyon niya.”

Si Elizabeth naman ay napansin kung gaano siya ka-sobra sa pagrespeto kay Lady Catherine at kung gaano siya ka-eager sa pagiging pari.

“Parang kakaiba siya,” sabi niya. “Hindi ko siya maintindihan. Parang sobrang formal ng pananalita niya. At bakit siya humihingi ng paumanhin sa bagay na wala naman siyang kontrol? Sa tingin mo ba matino siya, Papa?”

“Hindi, anak,” sagot ni Mr. Bennet. “Sa tingin ko kabaligtaran pa nga. May halong pagiging sipsip at self-important sa sulat niya—kaya mukhang magiging entertaining siya. Excited na akong makilala siya.”

“Sa pagsusulat,” sabi ni Mary, “hindi naman masama ang liham niya. Medyo cliché ang ‘olive branch,’ pero maayos ang pagkakalahad.”

Sina Catherine at Lydia naman ay walang pakialam—hindi kasi siya officer, kaya hindi interesting para sa kanila.

Si Mrs. Bennet naman, unti-unting nawala ang inis at nagsimulang maghanda na salubungin siya nang maayos—na ikinagulat ng iba.

Dumating si Mr. Collins eksakto sa oras at magalang siyang tinanggap ng lahat. Hindi masyadong nagsalita si Mr. Bennet, pero ang mga babae ay handang makipag-usap—at si Mr. Collins ay hindi naman nahihiyang magsalita. Isa siyang matangkad at medyo mabigat na lalaki, mga 25 years old, na may seryoso at formal na kilos.

Hindi pa siya gaanong nakaka-upo nang purihin niya si Mrs. Bennet sa ganda ng kanyang mga anak. Sinabi niyang narinig na niya ang tungkol sa kanilang kagandahan, pero mas maganda pa raw sila sa personal. Dagdag pa niya, sigurado siyang makakapag-asawa silang lahat nang maayos. Hindi ito masyadong nagustuhan ng ilan, pero natuwa si Mrs. Bennet.

“Napakabait mo naman, sir,” sabi niya. “Sana nga mangyari ‘yan, kung hindi kawawa sila. Ang gulo kasi ng sistema.”

“Ang tinutukoy mo ay ang mana, tama ba?”

“Oo,” sabi niya. “Napakahirap nito para sa mga anak ko. Pero hindi kita sinisisi—ganyan talaga ang mundo.”

“Nauunawaan ko ang sitwasyon ng mga pinsan ko,” sabi ni Mr. Collins. “At marami pa akong masasabi, pero ayokong magmukhang masyadong forward. Masasabi ko lang na handa akong humanga sa kanila. Sa ngayon, hindi na muna ako magsasalita—siguro kapag mas magkakilala na tayo—”

Naputol siya nang tawagin na sila para kumain, at nagkatinginan ang mga babae.

Hindi lang ang mga dalaga ang pinuri niya—pati ang bahay, dining room, at mga gamit ay pinuri niya. Sana natuwa si Mrs. Bennet, kung hindi lang niya naisip na balang araw ay magiging pag-aari na ito ni Mr. Collins.

Pinuri rin niya ang pagkain at tinanong kung sino sa mga dalaga ang nagluto. Agad siyang kinorek ni Mrs. Bennet, medyo may inis, na kaya nilang magbayad ng cook at hindi kailangang magluto ng mga anak niya. Humingi siya ng paumanhin—at kahit sinabi nang okay lang, nagpatuloy pa rin siya sa pagso-sorry nang halos labinlimang minuto.