Ikaw ay Minamahal

Para ipahayag ang kanyang kalungkutan, sumulat si Allie, isang batang babae, sa isang piraso ng kahoy at inilagay ito sa isang parke: “Sa totoo lang, nalulungkot ako. Walang gustong makipag-hang out sa akin, at nawalan ako ng nag-iisang taong nakikinig. Araw-araw akong umiiyak."
Nang may nakakita sa sulat na iyon, nagdala siya ng sidewalk chalk sa parke at hiniling sa mga tao na isulat ang kanilang mga saloobin para kay Allie. Daan-daang salita ng suporta ang iniwan ng mga estudyante mula sa kalapit na paaralan: "Mahal ka namin." "Mahal ka ng Diyos." "Ikaw ay minamahal." Sinabi ng punong-guro ng paaralan, "Ito ay isang maliit na paraan para maabot natin at baka makatulong na mapuno [ang kanyang kalungkutan]. Kinakatawan niya tayong lahat dahil sa isang punto ng panahon ay lahat tayo ay nakaranas o makakaranas ng kalungkutan at paghihirap."
Ang pariralang “Ikaw ay minamahal” ay nagpapaalala sa akin ng isang magandang pagpapala ni Moises sa Israelite na tribo ni Benjamin bago siya mamatay: “Magpahingang panatag sa kanya ang minamahal ng Panginoon” (Deuteronomio 33:12). Si Moises ay naging isang malakas na pinuno para sa Diyos, tinalo ang mga kaaway na bansa, natanggap ang Sampung Utos, at hinamon silang sumunod sa Diyos. Iniwan niya sila sa pananaw ng Diyos sa kanila. Ang salitang minamahal ay maaari ding gamitin sa atin, dahil sinabi ni Jesus, “Gayon na lamang ang pag-ibig ng Diyos sa sanlibutan na ibinigay Niya sa [tatin] ang kanyang kaisa-isang Anak” (Juan 3:16).
Habang tinutulungan tayo ng Diyos na mamahinga nang ligtas sa katotohanang ang bawat mananampalataya kay Jesus ay "minamahal," maaari tayong mag-abot ng pagmamahal sa iba tulad ng ginawa ng mga bagong kaibigan ni Allie.