Diyos ng Kalayaan

Pinalaya ni Pangulong Abraham Lincoln ang mga taong nakakulong sa pagkaalipin dalawa-at-kalahating taon na ang nakalilipas at ang Confederacy ay sumuko, ngunit ang estado ng Texas ay hindi pa rin kinikilala ang kalayaan ng mga taong inalipin. Gayunpaman, noong Hunyo 19, 1865, ang heneral ng hukbo ng unyon na si Gordon Granger ay sumakay sa Galveston, Texas, at hiniling na palayain ang lahat ng mga alipin. Isipin mo ang pagkabigla at kagalakan habang natatanggal ang mga kadena at naririnig ng mga inalipin ang pahayag ng kalayaan.
Nakikita ng Diyos ang mga inaapi, at sa huli ay ipahahayag Niya ang kalayaan para sa mga nasa ilalim ng bigat ng kawalang-katarungan. Ito ay totoo ngayon kung paanong ito ay totoo noong panahon ni Moises. Nagpakita sa kanya ang Diyos mula sa nagniningas na palumpong na may apurahang mensahe: “Tunay na nakita ko ang paghihirap ng aking bayan sa Ehipto” (Exodo 3:7). Hindi lamang Niya nakita ang kalupitan ng Ehipto laban sa Israel—kundi may plano rin Siyang gawin tungkol dito. “Ako ay bumaba upang iligtas sila,” ang sabi ng Diyos, “at upang dalhin sila . . . sa isang mabuti at maluwang na lupain” (v. 😎. Nilalayon niyang ipahayag ang kalayaan sa Israel, at si Moises ang magiging tagapagsalita. “Ipadadala kita kay Faraon,” sinabi ng Diyos sa Kanyang lingkod, “upang ilabas ang aking bayang mga Israelita mula sa Ehipto” (v. 10).
Bagaman maaaring hindi mangyari agad-agad ang panahon ng Diyos tulad ng inaasahan natin, isang araw ay palalayain Niya tayo mula sa lahat ng pagkaalipin at kawalan ng katarungan. Nagbibigay Siya ng pag-asa at kalayaan sa lahat ng inaapi.