Payo mula sa Isang Mas Matanda

“Ano ang pinagsisisihan ko?” Iyon ang tanong na sinagot ng New York Times bestselling writer na si George Saunders sa kanyang 2013 commencement speech sa Syracuse University. Ang kanyang paraan ay parang isang mas nakatatandang tao (Saunders) na nagbahagi ng isa o dalawang bagay na kanyang pinagsisihan sa buhay sa mga mas nakababatang tao (mga nagtapos) na maaaring matuto mula sa kanyang mga halimbawa. Naglista siya ng ilang bagay na maaaring ipagpalagay ng mga tao na pinagsisisihan niya, tulad ng pagiging mahirap at pagtatrabaho sa mga mahihirap na trabaho. Ngunit sinabi ni Saunders na hindi niya talaga pinagsisihan ang mga iyon. Ang kanyang pinagsisihan, gayunpaman, ay ang mga pagkukulang sa kabaitan—ang mga pagkakataon na maaari sana siyang maging mabait sa isang tao, at hinayaan niya itong lumipas.
Sumulat ang apostol na si Pablo sa mga mananampalataya sa Efeso upang sagutin ang tanong na ito: Ano ang hitsura ng buhay Kristiyano? Kaakit-akit na magmadali sa ating mga sagot, tulad ng pagkakaroon ng partikular na pananaw sa politika, pag-iwas sa ilang mga libro o pelikula, pagsamba sa isang partikular na paraan. Ngunit ang paraan ni Pablo ay hindi limitado sa mga isyu ng kasalukuyan. Binanggit niya ang pag-iwas sa "masasamang usapan" (Efeso 4:29) at ang pagtanggal ng mga bagay tulad ng kapaitan at galit (tal. 31). Pagkatapos upang tapusin ang kanyang "talumpati," sa esensya, sinabi niya sa mga taga-Efeso pati na rin sa atin, "Huwag kalimutang maging mabait" (tal. 32). At ang dahilan sa likod nito ay dahil kay Kristo, naging mabait sa iyo ang Diyos.
Sa lahat ng mga bagay na pinaniniwalaan natin tungkol sa buhay kay Jesus, isa sa mga ito, tiyak, ay ang maging mabait.