Veil of Shadows Episode 19 Tagalog

 Sa wakas, nakumpleto ni Wu Shiguang ang sapat na Dragon Deity power para mabasag ang kontrol ni Jiu Ying at mailigtas si Wu Wangyan. Nagkita silang muli, at kahit tinutukso sila ni Lu Wuyi na parang mag-asawa na, hindi pa rin tapos ang panganib.

Sinabi ni Jiu Ying na puwedeng umalis ang lahat—maliban kay Lu Wuyi, dahil espesyal siya. Dito napagtanto ni Ji Ling ang totoo: si Lu Wuyi ay parang “painted skin” na nilikha para mangolekta ng emosyon at alaala para makontrol ni Jiu Ying ang Formless Moon Sect. Pero nagawa pa rin ni Ji Ling na maisama siya pabalik sa kanila pansamantala.

Sa Shilin Sect, sinubukan ni Yuan Wuhuo na manipulahin at sakupin ang katawan ni Li Jie, pero lumaban si Li Jie at tuluyang pinatay siya.

Pagbalik, sinubukan ni Ji Ling si Li Jie gamit ang isang sandata na tanging tunay na may-ari lang ang makakagamit—at nagtagumpay si Li Jie, kaya napatunayan ang tunay niyang pagkatao. Pero may kapalit ito: unti-unti nang nanghihina si Bai Ze dahil ibinigay niya ang kapangyarihan niya kay Shiguang. Kahit ganoon, wala siyang pagsisisi.

Samantala, nalaman nina Wu Wangyan at Lu Wuyi na may mga alaala silang binura ni Jiu Ying tungkol sa isang nakaraang misyon. Kailangan nilang hanapin si Han Ba para malaman ang buong katotohanan.

Pagkatapos, nag-open up si Ji Ling kay Lu Wuyi. Inamin niyang isa siyang fox demon na iniligtas noon ng tunay na Chi Wen. Gumawa siya ng “puppet” version ng sarili niya para maranasan ang buhay sa mundo—at iyon ang bersyon na nakilala ni Lu Wuyi.

Ibinigay niya sa kanya ang isang bagay na napakahalaga sa kanya, at doon nila tuluyang naintindihan ang damdamin ng isa’t isa. Binigyan din siya ni Lu Wuyi ng pares ng magical na gamit para kahit magkahiwalay sila, makakaramdam pa rin sila ng koneksyon.

Pero may mas mabigat na katotohanan—ang huling fragments ni Jiu Ying ay nasa loob ni Wu Shiguang, sa Oracle Stone… at kay Lu Wuyi mismo.

Ibig sabihin, para tuluyang matalo si Jiu Ying, kailangang mamatay si Lu Wuyi. Alam ito ni Ji Ling pero hindi niya sinasabi, at tahimik siyang nasasaktan habang iniisip ang mangyayari.

Veil of Shadows Episode 18 Tagalog

 Pumunta si Wu Shiguang kay Chi Wen para hanapin si Wu Wangyan, pero sinabi ni Chi Wen na halos imposible itong mahanap dahil ang Formless Moon ay sobrang protektado at mahirap pasukin.

Pagdating nina Bai Ze at iba pa, may nadiskubre silang delikado—may fragment ng kaluluwa ni Jiu Ying na nakatago mismo sa loob ni Shiguang. Para mapigilan ito, binigyan siya ni Chi Wen ng espesyal na bracelet. Sinabi rin ni Shiguang na halos kumpleto na nila ang mga fragments, kaya balak niyang pumunta sa Formless Moon para iligtas si Wangyan at tapusin na ang lahat. Sumama si Chi Wen, lalo na dahil nag-aalala rin siya kay Lu Wuyi.

Sa loob ng Formless Moon, kinompronta ni Wu Wangyan ang “Fox King” at tinawag niya itong si Jiu Ying. Inamin ni Jiu Ying na siya ang nasa likod ng lahat—kinontrol niya si Wangyan noon at ginamit siya sa massacre, at pinanatili siyang buhay para maging kahinaan ni Shiguang. May mga fragments pa raw siya sa Oracle Stone.

Samantala, nakita ni Lu Wuyi si Wangyan na nakakulong. Sinabi ni Wangyan ang totoo—wala na ang tunay na Fox King, at si Jiu Ying ang nagpapanggap at gumagamit ng pekeng propesiya para kontrolin ang sect at maghasik ng kaguluhan.

Habang pinapasok nina Shiguang, Chi Wen, at Bai Ze ang Formless Moon, ginamit ni Chi Wen ang kapangyarihan niya para pilitin ang ibang fox spirits na sumunod. Pero kahit ganoon, hindi pa rin sapat ang lakas ni Shiguang para sirain ang mga seal, kaya ibinigay ni Bai Ze ang sarili niyang bahagi ng Dragon Deity power sa kanya.

Doon lumabas ang mas shocking na katotohanan—ang “Chi Wen” na kasama nila ay hindi pala ang tunay, kundi si Ji Ling na nagpapanggap. Ang totoong Chi Wen ay naka-seal, at si Ji Ling ang gumagamit ng identity at kapangyarihan niya.

Mas malala pa, matagal nang kakampi ni Ji Ling si Jiu Ying. Ang plano nila ay palakasin muna si Shiguang at palalimin ang pagmamahalan nila ni Wangyan, tapos papatayin si Wangyan sa harap niya. Sa sobrang sakit, mawawalan ng kontrol si Shiguang at doon sasakupin ni Jiu Ying ang katawan niya para magamit laban sa tunay na Chi Wen.

At kapalit ng pagtulong niya, gusto ni Ji Ling na manatili bilang Dragon Deity magpakailanman.

Veil of Shadows Episode 17 Tagalog

 Pagkatapos matalo ni Chi Wen si Yuan Wuhuo, bumalik kay Wu Shiguang ang isa pang bahagi ng Dragon Deity’s power. Doon niya nalaman ang katotohanan—siya pala ang “Tenth Dragon Son,” nilikha para tulungang i-seal si Jiu Ying, at plano pa ni Chi Wen na isakripisyo ang sarili niya para dito.

Sa totoong mundo, tinulungan ni Chi Wen na bigyan ng mapayapang wakas ang petrified na clan ni Wu Zhiqi. Si Lu Wuyi naman, muntik nang kunin ang ring ni Chi Wen para sa sarili niyang plano, pero nagdalawang-isip siya at ibinalik ito. Halatang pareho silang sinusubok ang isa’t isa, kaya naging komplikado ang feelings nila.

Ibinahagi rin ni Chi Wen na si Yuan Wuhuo ay dati niyang sobrang lapit—parang kapatid sa nakaraan—pero nagkahiwalay din sila dahil sa paglipas ng panahon.

Samantala, nagkita muli sina Wu Shiguang at Wu Wangyan, pero masakit ang katotohanan. Inamin ni Wangyan na ang sect nila ay kontrolado pala ni Jiu Ying, at hindi niya alam na siya mismo ay naging bahagi ng massacre ng clan ni Shiguang dahil minanipula ang kanilang mga alaala.

Kahit may feelings pa sila sa isa’t isa, naging hadlang ang katotohanang iyon.

Sa gabi ng full moon, nilabanan ni Wu Wangyan ang tawag ng kanyang sect at pumunta mag-isa sa isang liblib na kagubatan. Habang inaalala ang masasayang alaala nila ni Shiguang, napaiyak siya. Sinubukan niyang putulin ang kanyang spiritual tail para tuluyang makawala sa sect, pero dumating si Shiguang at pinigilan siya, nakiusap na harapin nila ang lahat nang magkasama. Sa huli, naglaho si Wangyan habang nasa mga bisig ni Shiguang.

Kasabay nito, nanatili si Lu Wuyi kay Chi Wen pero nakakaramdam siya ng lungkot at pag-aalala, lalo na kung babalik si Chi Wen sa Formless Moon Sect. Mas lalo rin siyang naniwala na si Chi Wen ay maaaring si Ji Ling.

Bago pa siya makakuha ng sagot, bigla siyang hinila pabalik ng kapangyarihan ng Formless Moon.

Veil of Shadows Episode 16 Tagalog

 Nagkita ulit sina Chi Wen at Yuan Wuhuo—ang kaibigan niyang akala niya ay patay na. Pero buhay pala ito at kakampi na ni Jiu Ying. Ipinakita ni Yuan Wuhuo na mas malakas na siya ngayon at nakuha pa niya ang kapangyarihan ng Dragon Deity mula kay Wu Zhiqi. Malamig na ang ugali niya at sinabi niyang gusto niyang pabagsakin si Chi Wen.

Bago siya humabol, pinigilan muna ni Chi Wen si Lu Wuyi gamit ang kapangyarihan niya para manatili ito sa ligtas na lugar, kahit ayaw nito.

Sa loob ng unti-unting namamatay na ilusyon, nagkita muli sina Wu Shiguang at Wu Wangyan kahit parehong sugatan. Alam nilang hindi na sila makakaligtas, pero sinabi ni Wangyan na wala siyang pagsisisi basta magkasama sila. Hiling lang niya na huwag siyang kamuhian ni Shiguang. Sa huli, nagyelo sila at namatay na magkayakap.

Sa labas, sinubukan silang iligtas ng grupo. May fragment ni Jiu Ying na humarang, pero nagsakripisyo ang ama ni You Chi para talunin ito at muling buksan ang daan palabas. Dahil doon, nakalabas silang lahat sa ilusyon.

Pagkatapos, may lumitaw na espiritu ni Xie Lingxi at ibinunyag ang malaking sikreto—si Shiguang pala ay ang Tenth Dragon Son at nakababatang kapatid ni Chi Wen. Nilikha siya mula sa Dragon Stone, at ang massacre ng clan niya ay dahil hinahanap siya ni Jiu Ying para gamitin laban kay Chi Wen.

Nakaramdam ng matinding guilt si Shiguang, pero pinakalma siya ni Wangyan. Nalaman din niya na unti-unting nagigising ang kapangyarihan niya, at kailangan niyang makumpleto ito para maging tunay na dragon.

Samantala, nalaman ni Wu Zhiqi ang masakit na katotohanan—hindi talaga kayang ibalik ng Star Stone ang mga naging bato niyang clan. Isa lang itong kasinungalingan para bigyan siya ng dahilan mabuhay. Tinanggap niya ito at humiling na palayain na ang kanyang clan mula sa paghihirap bago siya tuluyang maglaho.

Sa ibang bahagi, hinabol ni Chi Wen si Yuan Wuhuo at naglaban sila. Sa una, nalagay sa alanganin si Chi Wen, pero nagising ang nakatagong kapangyarihan niya at nakabawi siya. Nakuha niya ang artifact, pero may problema—hindi bumalik sa kanya ang Dragon Deity power gaya ng inaasahan niya.

Veil of Shadows Episode 15 Tagalog

 Biglang sinalakay ang Flood Dragon clan sa isang madugong massacre. Pagbalik nina Wu Shiguang at Wu Wangyan, nadatnan nila ang mga kalabang naka-human skin masks na walang awang pumapatay. Sa gitna ng kaguluhan, may lumabas na pekeng Wu Wangyan—at doon nabunyag na may tinatago siyang sikreto tungkol sa “isa pang bersyon” ng sarili niya. Kalaunan, nalaman na kontrolado ito ng demonyong si Jiu Ying, at ipinagtanggol ni Shiguang ang tunay na Wangyan.

Kasabay nito, kinuha ni Wu Zhiqi ang Star Stone at tumakas, habang hinahabol siya nina Chi Wen at Lu Wuyi. Pero sa gitna ng habulan, nasapian si Lu Wuyi ni Jiu Ying gamit ang ahas niyang si Little Nine.

Dito rin nalaman na si Jiu Ying ang totoong mastermind. Nagsimula siya bilang isang lason na nilalang, lumakas dahil sa Star Stone, at kumakain ng takot at kaguluhan para mas lumakas. Layunin niyang magdulot ng digmaan sa pagitan ng tao at demonyo. Halos hindi rin siya mapatay dahil hinati niya ang kaluluwa niya sa maraming bahagi.

Lalong gumulo ang sitwasyon—sunod-sunod ang laban, pagtataksil, at pagkamatay. Si Tian Di (ang Star Stone na nagkatawang-tao) ay nagsakripisyo at namatay sa isang malaking pagsabog. Si Li Jie naman ay napatay bago pa niya malaman ang katotohanan tungkol sa sarili niya. Si Xie Lingxi, nailigtas si batang Shiguang pero namatay din dahil sa sugat matapos ipamana ang mahalagang bagay sa kanya.

Sa loob ng ilusyon, malubhang nasugatan si Chi Wen habang pinoprotektahan si Lu Wuyi. Para makawala sa pagkasapian, sinaksak ni Lu Wuyi ang sarili niya gamit ang yelo, kaya napilitan si Jiu Ying na umalis—pero lumipat lang ito kay Wu Zhiqi, na nagdulot ng napakalakas na bagyo.

Sa gitna ng kaguluhan, sinubukan ng iba na samantalahin ang sitwasyon. Sa loob ng matinding bagyo, hirap na hirap sina Lu Wuyi at Chi Wen na makarating sa Star Stone. Kahit delikado, hindi binitawan ni Lu Wuyi si Chi Wen. Sa huli, nahawakan nila ang bato at nakalabas sila sa ilusyon.

Pero pagbalik nila, parang nagbago ang lahat—umaasa si Lu Wuyi na mas lumalim ang relasyon nila, pero lumayo si Chi Wen at naging malamig, kaya nanatiling hindi malinaw ang kanilang samahan.

Veil of Shadow Episde 14 Tagalog

 Hawak ni Chi Wen si Lu Wuyi nang bigla silang maibalik sa prayer ceremony. Sa labas ng ilusyon, ipinaliwanag ni Bai Ze na hindi mababago ang nakaraan—kahit anong gawin nila, aayusin ng ilusyon ang sarili nito para manatili sa tamang takbo ng kapalaran.

Nang mapag-isa sila, tinanong ni Chi Wen si Lu Wuyi kung ililigtas pa rin ba siya kahit wala siyang kapangyarihan. Sinabi niyang hindi, pero halatang gagawin pa rin niya iyon.

Nagkaroon sila ng tahimik na usapan tungkol sa “invisible moon.” Ibinahagi ni Lu Wuyi na pakiramdam niya noon ay hindi siya nakikita ng iba, maliban kay Wu Wangyan. Pinakalma siya ni Chi Wen at sinabing kahit hindi nakikita, may halaga pa rin siya. Inamin din niya na balang araw, mawawala rin siya sa pagiging diyos.

Pagkatapos, ibinunyag ni Xie Lingxi na siya talaga si Tian Di—ang Star Stone na nagkatawang-tao. Ikinuwento niya ang nakaraan niya at sinabi na nanatili siya para protektahan si Wu Shiguang dahil sa pangako niya kay Chi Wen.

Narealize ni Shiguang na hindi si Chi Wen o ang Shilin Sect ang sumira sa clan niya—may iba pang may sala. Pero bago pa niya malaman ang buong katotohanan, pinatulog siya ni Wu Wangyan para itago ito.

Kalaunan, nilagyan ni Lu Wuyi ng pampatulog si Chi Wen at tinalian siya para komprontahin. Ipinaliwanag ni Chi Wen na ginagawa niya iyon para mailabas ang totoong kalaban, dahil iilan lang ang may kakayahang kontrolin ang iba.

Samantala, ikinulong ni Wu Zhiqi ang iba pero sinadyang mag-iwan ng paraan para makawala sila. Nakalaya nga sila, pero nalaman nilang malapit na ang isang malaking sakuna—ang Meteor Blast.

Lalong gumulo ang lahat nang mabawi ni Lu Wuyi ang powers niya at napatay si Wu Zhiqi sa loob ng ilusyon, na nagdulot ng biglang pagbabago sa timeline. Biglang napunta sila sa iba’t ibang sakuna.

Napunta sina Chi Wen at Lu Wuyi sa isang kasal, habang sina Shiguang at Wangyan naman ay sa ibang trahedya. Sa kasal, sa halip na totoong halik, marahang hinalikan ni Chi Wen ang noo ni Lu Wuyi.

Pagkatapos noon, biglang dumating ang malakas na bagyo—nagsimula na ang sakuna.

Veil of Shadows Episode 13 Tagalog

 Si Xie Lingxi tumira na sa Flood Dragon clan at nakipag-deal kay Wu Zhiqi—kapag natalo niya si Xie Lingxi sa laban, ibibigay nila ang Star Stone. Pero paulit-ulit siyang natatalo. Samantala, unti-unting lumalala ang paningin ni Wangyan dahil sa kondisyon ng katawan niya hanggang sa tuluyan na siyang nabulag. Inalagaan siya ni Shiguang, at habang tumatagal, tumanda silang magkasama at namuhay nang tahimik at puno ng pagmamahalan.

Habang dati gusto nilang makaalis sa ilusyon, si Wangyan ay parang ayaw na umalis dahil naging attached na siya sa buhay nila. Si Shiguang naman, patuloy pa rin sa paghahanap ng katotohanan tungkol sa massacre ng kanyang clan—isang bagay na lihim na nagpapasakit kay Wangyan dahil may alam siya tungkol dito.

Sa ibang timeline, mas naging close sina Lu Wuyi at Chi Wen, at pabiro pa niyang sinabi na magpakasal na lang sila. Pero nanatili pa rin silang focused sa paghahanap ng Star Stone at sa totoong kalaban.

Sa huli, nagtagpo ang lahat ng grupo sa Star Stone Ravine, pero iba-iba ang nakikita nila. Yung iba, nakita ang Star Stone, habang yung iba naman ay isang misteryosong batang si Tian Di.

Dito nabunyag na si Tian Di pala ang mismong Star Stone—isang buhay na nilalang na may napakalakas at delikadong kapangyarihan. Sinubukan dati ni Wu Zhiqi na gamitin siya para iligtas ang kapatid niya, pero nauwi ito sa trahedya. Para matigil ang paghihirap, ginawa niyang bato ang buong clan niya, pero kalaunan nalaman niyang buhay pa rin ang mga ito sa loob at nagdurusa. Dahil sa guilt, muntik na siyang magpakamatay.

Biglang nagkaroon ng malaking kaguluhan—may lumitaw na bakal na kulungan na nag-trap sa lahat, at doon din nalaman na si Xie Lingxi ay ang adult form ni Tian Di. Kasabay nito, nalaman ni Wu Zhiqi ang tunay na identity ni Chi Wen at inatake siya.

Sa gitna ng laban, sumalo si Lu Wuyi ng malakas na atake para iligtas si Chi Wen at malubhang nasugatan. Habang nanghihina siya, tinanong niya kung si Ji Ling ba talaga si Chi Wen. Hindi siya sinagot nito ng salita—instead, hinalikan lang niya ang noo niya habang nawawalan siya ng malay.