ISANG BUHAY SA APAT NA SALITA

Si James Innell Packer, mas kilala bilang J. I. Packer, ay pumanaw noong 2020, limang araw bago ang kanyang ika-siyamnapu't apat na kaarawan. Isang iskolar at manunulat, ang kanyang pinakasikat na aklat, Knowing God, ay nakabenta ng higit sa 1.5 milyong kopya mula nang ito ay mailathala. Si Packer ay masugid na tagapagtanggol ng awtoridad ng Bibliya at ng paghubog ng mga alagad ni Cristo, at hinihimok ang mga mananampalataya sa lahat ng dako na seryosohin ang pamumuhay para kay Jesus. Nang tanungin siya sa kanyang huling bahagi ng buhay para sa kanyang huling mga salita sa simbahan, si Packer ay may isang linya, apat na salita lamang: “Luwalhatiin si Cristo sa lahat ng paraan.”
Ang mga salitang iyon ay sumasalamin sa buhay ng apostol na si Pablo, na pagkatapos ng kanyang dramatikong pagbabalik-loob, ay tapat na ginampanan ang gawaing nasa harapan niya at nagtiwala sa Diyos para sa mga resulta. Ang mga salita ni Pablo na matatagpuan sa aklat ng Roma ay ilan sa mga may pinakamalalim na teolohikal na nilalaman sa buong Bagong Tipan, at ang buod ni Packer ay malapit sa isinulat ng apostol: “Luwalhatiin ninyo ang Diyos at Ama ng ating Panginoong Jesu-Cristo” (Roma 15:6).
Ang buhay ni Pablo ay isang halimbawa para sa atin. Maaari nating luwalhatiin (parangalan) ang Diyos sa maraming paraan, ngunit ang isa ay sa pamamagitan ng pamumuhay sa buhay na itinakda sa atin at ipagkatiwala ang mga resulta sa di-nagbabagong mga kamay ng Diyos. Kahit na nagsusulat ng mga libro, nagtutungo sa mga misyong paglalakbay, nagtuturo sa elementarya, o nag-aalaga ng matandang magulang—iisa ang layunin: Luwalhatiin si Cristo sa lahat ng paraan! Habang tayo'y nananalangin at nagbabasa ng Kasulatan, tinutulungan tayo ng Diyos na mamuhay ng may tapat na pagsunod at panatilihin ang ating araw-araw na pamumuhay na nakatuon sa pagparangal kay Jesus sa lahat ng ating sinasabi at ginagawa.