Laging Mapagkakatiwalaan

Ako ay isang taong nag-aalala. Ang mga maaga sa umaga ang pinakamahirap dahil mag-isa ako sa aking mga naiisip. Kaya't nilagyan ko ng tape ang quote ni Hudson Taylor sa aking salamin sa banyo, kung saan nakikita ko ito kapag nadarama kong mahina ako: "Mayroong isang buhay na Diyos. Siya ay nagsalita sa Bibliya. Ibig Niyang sabihin ang Kanyang sinasabi at gagawin ang lahat ng Kanyang ipinangako.”
Ang mga salita ni Taylor ay nagmula sa maraming taon ng pakikipaglakbay sa Diyos at nagpapaalala sa atin kung sino Siya at anong kayang gawin sa gitna ng ating mga panahon ng karamdaman, kahirapan, kalungkutan, at lungkot. Hindi lamang niya alam na mapagkakatiwalaan ang Diyos - kundi naranasan na niya ang kanyang katapatan. At dahil nagtiwala siya sa mga pangako ng Diyos at sumunod sa Kanya, libu-libong mga tao sa Tsina ang nag-alay ng kanilang mga buhay kay Jesus.
Ang karanasan sa Diyos at sa Kanyang mga paraan ay nakatulong kay David na malaman na Siya ay mapagkakatiwalaan. Isinulat niya ang Awit 145, isang awit ng papuri sa Diyos na naranasan niyang maging mabuti, mahabagin, at tapat sa lahat ng Kanyang mga pangako. Kapag nagtitiwala tayo at sumusunod sa Diyos, natatanto natin (o mas nauunawaan) na Siya ang sinasabi Niyang Siya at na Siya ay tapat sa Kanyang salita (v. 13). At, tulad ni David, tumutugon tayo sa pamamagitan ng pagpupuri sa Kanya at pagsasabi sa iba tungkol sa Kanya (vv. 10−12).
Kapag nahaharap tayo sa mga nakababahalang panahon, matutulungan tayo ng Diyos na huwag manghina sa ating paglakad kasama Niya, sapagkat Siya ay mapagkakatiwalaan (Hebreo 10:23).