Mga Huling Salita

 

Sa paglapit niya sa katapusan ng kanyang buhay, may mensahe si John M. Perkins para sa mga taong maiiwan niya. Kilala si Perkins sa pagtataguyod ng pagkakasundo sa pagitan ng mga lahi at sinabi niya, "Ang pagsisisi lamang ang daan pabalik sa Diyos. Maliban kung kayo'y magsisisi, kayong lahat ay mapapahamak."
Ang mga salitang ito ay sumasalamin sa wika ni Jesus at marami pang ibang tao sa Bibliya. Sinabi ni Kristo, “Kung hindi kayo magsisi, kayong lahat ay mapapahamak” (Lucas 13:3). Sinabi ni apostol Pedro, “Kung gayon, mangagsisi kayo, at mangagbalik-loob sa Dios, upang ang inyong mga kasalanan ay mapawi” (Mga Gawa 3:19).
Mas maaga sa Kasulatan, nabasa natin ang mga salita ng isa pang tao na nagnanais na ang kanyang mga tao ay bumaling sa Diyos. Sa kanyang huling sinalita "sa buong Israel" (1 Samuel 12:1), sinabi ng propeta, pari, at hukom na si Samuel, "Huwag kayong matakot. Kayo'y gumawa ng kasamaan... subalit huwag kayong lalayo sa Panginoon, kundi paglingkuran ninyo ang Panginoon ng buong puso ninyo" (taludtod 20).Ito ang kanyang mensahe ng pagsisisi—ang talikuran ang kasamaan at sundin ang Diyos nang buong puso.
Lahat tayo ay nagkakasala at nakakaligtaan ang marka ng Kanyang pamantayan.Kaya kailangan nating magsisi, ibig sabihin ay tumalikod sa kasalanan at bumaling kay Hesus, na nagpapatawad sa atin at nagbibigay ng kapangyarihan sa atin na sumunod sa Kanya. Pakinggan natin ang mga salita ng dalawang lalaki, sina John Perkins at Samuel, na nakilala kung paano magagamit ng Diyos ang kapangyarihan ng pagsisisi para baguhin tayo sa mga taong magagamit Niya para sa Kanyang karangalan.