Bangkay Nahulog sa Kabaong Habang Inililibing

Ang pamilya ng isang yumaong lalaki sa Massachusetts ay nagsabi na ang kanyang kabaong ay nahulog sa panahon ng kanyang libing, na naging sanhi ng pagkahulog ng bangkay deretso sa libingan.


Ang mga mahal sa buhay ni Andrew Serrano — na namatay noong Marso 29, 2019 — ay nagsampa ng kaso laban sa Perez Funeral Home, gayundin sa City of Lawrence at ang municipal cemetery nito, na nagbibintang ng kapabayaan at walang ingat na pagpapahirap ng damdamin, ayon sa reklamong inihain sa Essex Superior Court noong Nob. 4 ng mga abogado ng pamilya.
Sa reklamo, sinabi ng mga miyembro ng pamilya na sa panahon ng paglilibing kay Serrano noong Abril 5, 2019, "nabasag ang isang gilid ng mga strap sa kagamitan sa pagpapababa ng kabaong na pag-aari ng Lungsod, na naging sanhi ng pagkahulog ng kabaong ni G. Serrano sa libingan at nasira.
Pagkatapos ang kanyang "bangkay ay nahulog mula sa kabaong patungo sa libingan at nagsimulang umagos ang likido," ang sabi ng pamilya.
Matapos masaksihan ng mga mahal sa buhay ang insidente sa Bellevue Cemetery, nasindak, sumama ang loob at naging hysterical, ayon sa reklamo.
"Ilang miyembro ng pamilya ang lumukso sa libingan upang ayusin ang bangkay ni Mr. Serrano, na sa huli ay inalis sa libingan at dinala pabalik sa Perez Funeral Home," ang sabi ng pamilya.
Siya ay inihimlay "pagkalipas ng ilang araw" sa sementeryo, na pag-aari ng lungsod ng Lawrence, ayon sa pamilya.
Hindi nagbigay ng komento ang Perez Funeral Home, ang Bellevue Cemetery at ang lungsod ng Lawrence.
Ang pamilya ni Serrano ay humihingi ng $1.2M — $100,000 sa bawat nagsasakdal — at humiling ng paglilitis ng hurado, ang abogadong si Danilo J. Gomez.
Idinagdag ng abogado, "Nagbigay ang aming opisina ng video sa Lungsod ng Lawrence tunkol sa nangyaring insidente."